Paytm Photo QR: ഫോട്ടോ ക്യുആര് - ഓണ്ലൈന് പേയ്മെന്റ് രംഗത്തെ പുതിയ തരംഗം
Paytm Photo QR: പേയ്മെന്റ് മാത്രമല്ല ഇനി മാര്കെറ്റിംഗും: പേടിഎം ഫോട്ടോ ക്യുആര്
Paytm Photo QR: The new wave in online payment methodsIMPACT FEATURE
- വാഴക്കാട്,
- 28 Jun 2022,
- (Updated 30 Jun 2022, 11:28 AM IST)
കോണ്ടാക്ട് ലെസ്സ് ഡിജിറ്റല് പേയ്മെന്റ് സൗകര്യം ജനങ്ങള്ക്ക് ലഭ്യമാകുക എന്ന ആശയത്തോടുകൂടി - 2010 ഓഗസ്റ്റില് സ്ഥാപിച്ച ഇന്ത്യയിലെ ഒരു പ്രമുഖ ഇ-കൊമേഴ്സ് കമ്പനിയാണ് പേടിഎം (പേ-ടി-എം). 2016 ലെ നോട്ടു നിരോധനത്തോടു കൂടി കയ്യില് നോട്ടില്ലാതെ നട്ടംതിരിഞ്ഞ ഇന്ത്യക്കാരന്റെ മുന്നിലേക്കു പണമിടപാടിന്റെ ഡിജിറ്റല് മുഖമായി പേടിഎം എത്തുകയും ബഹുജനസമ്മതി നേടുകയും ചെയ്തു. ഇന്ന് തട്ടുകട മുതല് തുണിക്കടകള് വരെ പേടിഎം പോലുള്ള ആപ്പുകള് വഴിയാണ് മിക്ക വ്യാപാരികളും പണമിടപാടുകള് നടത്തുന്നത്. ഏകദേശം എല്ലാ വ്യവസായ സ്ഥാപനങ്ങളും ഉപഭോക്താക്കള്ക്കായി ക്യുആര് സംവിധാനം ഏര്പ്പാടാക്കിയിട്ടുണ്ട്. കാരണം അത്രയധികമാണ് ഇന്ന് ഓണ്ലൈന് പേയ്മെന്റിനുള്ള ഡിമാന്ഡ്. തുടക്കം മുതലേ നൂതന സാങ്കേതിക വിദ്യയിലൂടെ ഓണ്ലൈന് പേയ്മെന്റ് രംഗത്ത് പേടിഎം ശ്രദ്ധനേടിയിരുന്നു. ഫോട്ടോ ക്യുആര് എന്ന പുതിയ ഫീച്ചറോടുകൂടി മറ്റ് ഓണ്ലൈന് പേയ്മെന്റ് ആപ്പുകളില് നിന്നും വേറിട്ടുനില്കുകയും മികവിന്റെ പാതയില് മുന്നേറുകയുമാണ് പേടിഎം.
എന്താണ് പേടിഎം ഫോട്ടോ ക്യൂആര്?
സാധാരണ ക്യൂ ആറിന്റെ ഒരു മെച്ചപ്പെട്ട പതിപ്പാണ് പേടിഎം നല്കുന്ന ഫോട്ടോ ക്യൂആര് എന്ന പുതിയ ഫീച്ചര്. ഈ ഫീച്ചറിലൂടെ വ്യാപാരികള്ക്ക് ഇഷ്ടമുള്ള ഫോട്ടോ ചേര്ത്ത് പഴ്സണലൈസ്ഡ് ക്യൂ ആര് ഉണ്ടാകാനുള്ള ഓപ്ഷന് പേ ടി എം ലഭ്യമാക്കുന്നു. ഇതിനൊപ്പം കടയുടെ അഥവാ സ്ഥാപനത്തിന്റെ പേരും ഫോണ് നമ്പറും കൂടി ഫോട്ടോ ക്യൂആറിന്റെ ഭാഗമായിരിക്കും. ഫോട്ടോ ക്യൂആര് ഫീച്ചര് ഇന്ത്യയില് ആദ്യമായി ലഭ്യമാക്കിയത് പേടിഎംമാണ്. ഇരുപത് ലക്ഷത്തോളം വ്യാപാരികള് ഇതിനകം തന്നെ ഫോട്ടോ ക്യുആര് ഉണ്ടാകുകയും ഉപയോഗിക്കാന് തുടങ്ങുകയും ചെയ്തിട്ടുണ്ട്.
ഫോട്ടോ ക്യൂആറിനായി സ്വന്തം ഫോട്ടോ, സെല്ഫി, കുടുംബവുമായുള്ള ഫോട്ടോ, ബ്രാന്ഡിന്റെ ലോഗോ, അതും അല്ലെങ്കില് ഫോണ് ഗാലറിയിലുള്ള ഏത് ഫോട്ടോ വേണമെങ്കിലും ഉപയോഗിക്കാവുന്നതാണ്. പേടിഎം - ഫോര് - ബിസിനസ് ആപ്പ് ഗാലറിയിലുള്ള ഏത് ഫോട്ടോ വേണമെങ്കിലും ഇതിനായി ഉപയോഗിക്കാം. ഉദാഹരണം, ഈ ആപ്പ് ഗാലറിയില് തന്നെയുള്ള ബിസിനസ് ഐക്കണുകള്, സ്മാരകങ്ങള്, ഉത്സവങ്ങള്, എന്തിന് ദൈവങ്ങളുടെ ഫോട്ടോ വേണമെങ്കിലും ഫോട്ടോ ക്യൂആറായി ഉപയോഗിക്കാം. ഫോട്ടോ ക്യൂആര് ഉണ്ടാക്കുകയും, അത് ഡൌണ്ലോഡ് ചെയ്യുകയും ചെയ്തതിനു ശേഷം ഫോട്ടോ ആറിന്റെ ഡിജിറ്റല് വേര്ഷന് പണമിടപാടുകള്ക്കായി ഉപഭോക്താക്കള്ക്ക് ചെയ്യാവുന്നതാണ്. കൂടാതെ, വ്യാപാരികള്ക്ക് പണമിടപാടുകള്ക്കായി, വേണമെങ്കില്, ഫോട്ടോ ക്യൂ ആറിന്റെ ഫിസിക്കല് വേര്ഷന് ഓര്ഡര് ചെയ്യാവുന്നതാണ്. ഫിസിക്കല് വേഷന് ഓര്ഡര് ചെയ്യുമ്പോള് സ്റ്റാന്ഡിയും സ്റ്റിക്കറും ഒന്നുവീതം വ്യാപാരിയുടെ വിലാസത്തില് അയച്ചിരിക്കും.
പേടിഎം ഫോട്ടോ ക്യൂആറിന്റെ പ്രസക്തി?
മുഖവും പേരുമില്ലാത്ത ഒരു ചെറിയ ചതുരത്തിനപ്പുറം മറുവശത്തു ഒരു വ്യക്തിയും അയാള് സ്വപ്നം കാണുകയും വളര്ത്തുകയും ചെയ്ത അയാളുടെ സ്ഥാപനവും ഉണ്ടെന്നുള്ള ഒരു ഓര്മ്മപ്പെടുത്തലാണ് പേടിഎം ഫോട്ടോ ക്യൂആര്. ഡിജിറ്റല് പേയ്മെന്റ് സംവിധാനത്തില് ഒരു ഹ്യൂമന് ടച്ച് കൊണ്ടുവരുത്തുന്നതില് പേടിഎം ഫോട്ടോ കൃആറിലൂടെ തുടക്കം കുറിച്ചിരിക്കുകയാണ്. സാധാരണ ക്യൂ ആറിനെ അപേക്ഷിച്ച് ഫോട്ടോ ആറിലൂടെ ഒരു വ്യവസായിക്ക് തനിക്ക് ഇഷ്ടമുള്ള ഫോട്ടോയിലൂടെ താന് നടത്തുന്ന സ്ഥാപനത്തിന്റെ അല്ലെങ്കില് കച്ചവടത്തിന്റെ മുഖമായി മാറാന് സാധിക്കുന്നു. കൂടാതെ, സാധാരണ ക്യൂആറിനെ അപേക്ഷിച്ചു ഫോട്ടോ ആര് ബിസിനെസ് അല്ലെങ്കില് സ്വന്തം ബ്രാന്ഡ് വളര്ത്താനുള്ള ഒരു അവസരമാണ് കച്ചവടക്കാര്ക്കും വ്യവസായികള്ക്കും നല്കുന്നത്.
കുറച്ചുകൂടി വിശദമായി പറഞ്ഞാല് സ്വന്തം ബ്രാന്ഡിന്റെ അല്ലെങ്കില് ബിസിനസിന്റെ പേരും ലോഗോയും തുച്ഛമായ ചെലവില് മാര്ക്കറ്റ് ചെയ്യാന് കിട്ടുന്ന ഒരു അവസരമാണ് ഈ പുതിയ ഫീച്ചര്. ഇത് മാര്ക്കറ്റിംഗില് അധികം ഇന്വെസ്റ്റ് ചെയ്യാന് കഴിയാത്ത ചെറുകിട കച്ചവടക്കാര്ക്കും വ്യവസായികള്ക്കും വരും ദിവസങ്ങളില് വളരെയധികം പ്രയോജനപ്പെടുന്ന മാര്ഗ്ഗമായി മാറിക്കൊണ്ടിരിക്കുകയാണ്. ഫിസിക്കല് ഫോട്ടോ ക്യൂആറുകള് ഓര്ഡര് ചെയ്യുന്ന വ്യാപാരികളുടെയും കച്ചവടക്കാരുടെയും എണ്ണം ദിവസംതോറും കൂടിക്കൊണ്ടേയിരിക്കുന്നു. ചുരുക്കത്തില് പണമിടപാടുകള് നടത്താന് മാത്രം ഉപയോഗപ്പെട്ടിരുന്ന സാധാരണ കൃആറില് നിന്നും എന്തുകൊണ്ടും വലിയ ഒരു അപ്ഗ്രേഡ് തന്നെയാണ് ഫോട്ടോ ക്യൂആര് കച്ചവടക്കാര്ക്കുമാത്രമല്ലെ ഉപഭോക്താക്കള്ക്കും ഉപകാരപ്പെടുന്ന രീതിയിലാണ് പേടിഎം ഫോട്ടോ കൃആറിനു രൂപം നല്കിയിരിക്കുന്നത്. ഫോട്ടോ ക്യൂആറിലും പേയ്മെന്റ്റ് ആപ്പിലും, ബിസിനസ്സിന്റെ പേര് തിരിച്ചറിയാമെന്നുള്ളതു കൊണ്ട് തെറ്റായ ക്യൂആര് ആണോ സ്കാന് ചെയ്തതെന്ന ആശങ്ക വേണ്ട
എങ്ങനെ പേടിഎം ഫോട്ടോ ക്യൂആര് ക്രിയേറ്റ് ചെയ്യാം? എങ്ങനെ ഓര്ഡര് ചെയ്യാം?
രണ്ടും എളുപ്പം. ആദ്യം പേടിഎം - ഫോര് - ബിസിനസ് ആപ്പ് ഓപ്പണ് ചെയ്യുക. ശേഷം ഹോം പേജില് നിന്നും ഫോട്ടോ ക്യൂആര് എന്ന ഐക്കണ് ക്ലിക്ക് ചെയ്യുക. അടുത്ത ഘട്ടം ഫോട്ടോ ക്യൂ ആറിനുള്ള ഫോട്ടോ തിരഞ്ഞെടുക്കുക എന്നതാണ്. ഇതിനായി ഫോണ് ക്യാമറ ഉപയോഗിച്ച് സെല്ഫിയോ, ഫോണ് ഗാലറിയിലുള്ള ഏതെങ്കിലും ഫോട്ടോയോ, അതും അല്ലെങ്കില് പേടിഎം - ഫോര് - ബിസിനസ് ആപ്പില് കസ്റ്റമൈസേഷന് പേജിലെ ഗാലറി സെഷനില് നിന്നും തിരഞ്ഞെടുക്കാവുന്നതാണ്. ഫോട്ടോ തിരഞ്ഞെടുക്കുന്നതോടുകൂടി പേടിഎം ഫോട്ടോ ക്യുആര് റെഡി. ഇനി ഫോട്ടോ ക്യൂറിന്റെ ഫിസിക്കല് വേര്ഷന് വേണമെങ്കില് ആപ്പില് സേവ് ചെയ്തിരിക്കുന്ന വിലാസം സെലക്ട് ചെയ്യുക. അല്ലെങ്കില് പുതിയ വിലാസം ആഡ് ചെയ്യുക. അവസാനമായി ഫോട്ടോ ക്യൂ ആറിനുള്ള പേയ്മെന്റ് ചെയ്യുന്നതോടെ ഓര്ഡര് പൂര്ത്തിയാകും. ഇതേ ആപ്പിലൂടെ ഓര്ഡര് സ്റ്റാറ്റസ് ട്രാക്ക് ചെയ്യാനുള്ള സൗകര്യവും ലഭ്യമാണ്. പേടിഎം ഫോട്ടോ ക്യൂ ആറിന്റെ ഫിസിക്കല് വേര്ഷന് ഓര്ഡര് ചെയ്യുമ്പോള് ഒരു സ്റ്റാന്ഡിയും ഒരു സ്റ്റിക്കറുമാണ് വ്യാപാരി നല്കിയിരിക്കുന്ന വിലാസത്തിലേക്ക് പേടിഎം അയക്കുന്നത്.
Comments