Apple
ആപ്പിള് കമ്ബനിയുടെ സുപ്രധാനമായ ഒരു കോണ്ഫറന്സ് നടക്കുകയാണ്. ഇതിനകത്ത് ഒമ്ബതുകാരിയായ മിടുക്കിയെ കണ്ട് എല്ലാവരും ഒന്നു ഞെട്ടി. അതെ. ഈ കൊച്ചുമിടുക്കി ആള് ചില്ലറക്കാരിയല്ല..! സംഭവമിതാണ്.. ടെക്ക് കലണ്ടറിലെ സുപ്രധാന ഇവന്റ് ആണ് ആപ്പിളിന്റെ ഡെവലപ്പര് കോണ്ഫറന്സ്. വര്ഷാവര്ഷമുള്ള ഈ കോണ്ഫറന്സ് ഇന്നലെ മുതല് ആരംഭിച്ചു. 17 വരെ നടക്കുന്ന കോണ്ഫറന്സില് ഡെവലപ്പറായാണ് ഈ കൊച്ചുമിടുക്കി എത്തിയിരിക്കുന്നത്. ഒമ്ബത് വയസ്സുള്ള അന്വിത വിജയ്. നിരവധി ഐഒഎസ് ആപ്പുകളുടെ ഡെവലപ്പറാണ് ഈ കുട്ടി. ആപ്പിള് സിഇഒ ടിം കുക്കിനെ പരിചയപ്പെടണമെന്നത് ഏറെക്കാലമായുള്ള സ്വപ്നമാണ്. ആ മോഹം പൂവണിയാന് പോകുന്നതിന്റെ ആഹ്ലാദത്തിലാണ് അന്വിത. ഓസ്ട്രേലിയയില് സ്ഥിരതാമസമാക്കിയ ഇന്ത്യന് വംശജരായ ദമ്ബതികളുടെ മകളാണ് അന്വിത. ഡെവലപ്പര് കോണ്ഫറന്സില് പങ്കെടുക്കാനുള്ള സ്കോളര്ഷിപ്പ് മുഖേനയാണ് ആപ്പിള് ചടങ്ങിലേക്കുള്ള ക്ഷണം. കോണ്ഫറന്സില് പങ്കെടുക്കുന്ന ഏറ്റവും പ്രായം കുറഞ്ഞ ഡെവലപ്പറെന്ന ഖ്യാതിയും അന്വിതയെ കാത്തിരിക്കുന്നു. 350 പേര്ക്ക് സ്കോളര്ഷിപ്പ് ലഭിച്ചിട്ടുണ്ട്. ഇവരില് 120 പേര് 18 വയസ്സിന് താഴെയുള്ളവരാണ്. 22 ശതമാനം പേര് വനിതകളും.